හේමසිරි ප‍්‍රනාන්දුටත් මරණ දණ්ඩනය නියම කෙරේ....

මෙම තීන්දුව ප්‍රකාශයට පත් කෙරුණේ විනිසුරු මඩුල්ලේ බහුතර එකඟතාවය මතය. විනිසුරු ප්‍රියන්ත ලියනගේ සහ තිලකරත්න බණ්ඩාර යන මහත්වරුන් විත්තිකරුවන් වරදකරුවන් බවට තීන්දු කළ අතර, විනිසුරු විරාජ් වීරසූරිය මහතා විත්තිකරුවන් නිදොස් කොට නිදහස් කළ යුතුය යන විරුද්ධ මතය ප්‍රකාශ කර තිබුණි. ප්‍රහාරය පිළිබඳව නිශ්චිත බුද්ධි තොරතුරු ලැබී තිබියදීත්, මහජනතාවගේ ජීවිත ආරක්ෂා කිරීමට නිසි පියවර නොගැනීම තුළින් සිදු වූ සාපරාධී නොසලකා හැරීම සම්බන්ධයෙන් නීතිපතිවරයා විසින් මොවුන්ට එරෙහිව වෙන වෙනම අධිචෝදනා ගොනු කර තිබුණි. මෙම නඩුවේ ඉතිහාසය දෙස බැලීමේදී, 2022 පෙබරවාරි 18 වනදා එවකට සිටි ත්‍රිපුද්ගල මහාධිකරණ විනිසුරු මඩුල්ල විසින් විත්තිකරුවන්ගේ විත්තිවාචකය කැඳවීමකින් තොරවම ඔවුන් නිදොස් කොට නිදහස් කිරීමට පියවර ගෙන තිබුණි. කෙසේ වෙතත්, නීතිපතිවරයා එම තීන්දුවට එරෙහිව ශ්‍රේෂ්ඨාධිකරණයට අභියාචනයක් ඉදිරිපත් කළේය. එම අභියාචනය සලකා බැලූ ශ්‍රේෂ්ඨාධිකරණය, විත්තිකරුවන් නිදහස් කිරීමට මහාධිකරණය ගත් තීරණය නීතියට පටහැනි බවත්, විත්තිකරුවන්ගේ විත්තිවාචකය කැඳවිය යුතු බවත් තීන්දු කළේය. ඒ අනුව නඩුව නැවත විභාග කරන ලෙස ශ්‍රේෂ්ඨාධිකරණය නියෝග කළ අතර, එම නැවත නඩු විභාගයේ තීන්දුව ප්‍රකාශයට පත් කරමින් අද මෙම මරණ දඬුවම නියම විය.