අපි යන්නෙ උපායශීලී ප‍්‍රගතිශීලී ගමනක්..- කොට්ටච්චි

එහිදී වැඩිදුරටත් අදහස් දැක්වූ මන්ත්‍රීවරිය සඳහන් කළේ, සංවර්ධනය යනු හුදෙක් ආර්ථික ඉලක්ක සපුරා ගැනීම පමණක් නොවන බවයි. නීතිය සහ සාමය සැමට සමානව ක්‍රියාත්මක වන, යුක්තිය සහ සාධාරණත්වය ඉටුවන රටක් ගොඩනැගීම රජයේ ප්‍රධාන අරමුණක් බව ඇය අවධාරණය කළාය. විපක්ෂය දේශපාලනික පටු දෘෂ්ටිකෝණයකින් සෑම කුඩා කරුණක්ම විවේචනය කිරීමට උත්සාහ කරන බවත්, එමගින් රජයේ ප්‍රගතිශීලී ගමන නැවැත්විය නොහැකි බවත් ඇය පැවසුවාය. රජය ඉතා වේගවත් මෙන්ම උපායශීලී වැඩපිළිවෙළක් ඔස්සේ රට ඉදිරියට ගෙන යන බවත්, එහි අවසන් ප්‍රතිඵලය ජනතාවගේ ගුණාත්මක පරිවර්තනයක් බවත් මන්ත්‍රීවරිය වැඩිදුරටත් ප්‍රකාශ කළාය.