මෙරට ගුවන් ගමන් මෙහෙයුම් 9%කින් පහළට..

මෙම වසරේ ගතවූ මුල් මාස අටක කාලය තුළ ශ්‍රී ලංකාවේ ගුවන්තොටුපොළ හරහා සිදු වූ සමස්ත ගුවන් යානා මෙහෙයුම් ප්‍රමාණය සියයට 9 ක පසුබෑමක් වාර්‍තා කර ඇතැයි සිවිල් ගුවන් සේවා අධිකාරිය පවසයි. එම අධිකාරිය නිකුත් කර ඇති නවතම දත්ත වාර්‍තාවන්ට අනුව, ජනවාරි 01 වැනිදා සිට අගෝස්තු 31 වැනිදා දක්වා වූ කාලසීමාවේදී මෙරට ගුවන් තොටුපොළ ආශ්‍රිතව හසුරුවා ඇති සමස්ත ගුවන් යානා වාර ගණන 40,111 කි. ඉන් මෙහෙයුම් 38,524 ක් නිත්‍ය කාලසටහන්ගත ගුවන් ගමන් වන අතර, සෙසු මෙහෙයුම් 1,587 සටහන් වන්නේ කාලසටහන්ගත නොවූ ගුවන් ගමන් වශයෙනි. සැසඳීමේදී පෙර පැවති සමාන කාලසීමාව තුළ කටුනායක බණ්ඩාරනායක ජාත්‍යන්තර ගුවන්තොටුපොළෙන් පමණක් මෙහෙයුම් 44,185 ක් වාර්‍තා වී තිබූ අතර, ඊට සාපේක්ෂව මෙවර මෙහෙයුම් 4,074 ක අඩුවීමක් සිදුව තිබේ. පසුගිය පෙබරවාරි මාසයේදී මැදපෙරදිග කලාපයේ හටගත් යුදමය නොසන්සුන්තාව මෙම ගුවන් ගමන් සංඛ්‍යාව පහත වැටීමට ප්‍රධාන වශයෙන් බලපා ඇති බව එම වාර්‍තාව පෙන්වා දෙයි. ගුවන් මගී සංචරණය පිළිබඳ සලකා බැලීමේදී, ගතවූ මාස අට තුළ මෙරට ගුවන්තොටුපොළ පද්ධතිය පරිහරණය කර ඇති සමස්ත මගීන් සංඛ්‍යාව 6,439,213 කි. සැසඳෙන කාලසීමාවේදී කටුනායක ගුවන්තොටුපොළෙන් පමණක් මගීන් 6,630,728 ක් හසුරුවා තිබූ පසුබිමක මෙවර මගී සංඛ්‍යාවේ ද යම් අඩුවීමක් පෙන්නුම් කරයි. මීට අමතරව, අදාළ කාලය තුළ ගුවන්තොටුපොළ ඔස්සේ ප්‍රවාහනය කර ඇති සමස්ත ගුවන් භාණ්ඩ ප්‍රමාණය මෙට්‍රික් ටොන් 144,713 ක් ලෙස සටහන්ව ඇත. ඉන් මෙට්‍රික් ටොන් 89,470 ක භාණ්ඩ තොගයක් මෙරටින් පිටතට රැගෙන ගිය ගුවන් යානා වෙත පටවා ඇති අතර, මෙරටට ගොඩබා ඇති භාණ්ඩ ප්‍රමාණය මෙට්‍රික් ටොන් 55,243 ක් බව ද සිවිල් ගුවන් සේවා අධිකාරියේ දත්ත සනාථ කරයි. Decline in Flight Operations at Sri Lankan Airports During Early 2023 The Civil Aviation Authority of Sri Lanka has reported a significant 9% decrease in overall flight operations through the nation’s airports during the first eight months of this year. According to the latest data released by the authority, a total of 40,111 flights were handled at Sri Lankan airports from January 1 to August 31. Of these, 38,524 were scheduled operations, while 1,587 flights fell under unscheduled services. In comparison, the Bandaranaike International Airport in Katunayake recorded 44,185 operations during the same period last year, reflecting a reduction of 4,074 flights this time around. The report attributes this decline primarily to the ongoing military unrest in the Middle East, which has adversely impacted air travel numbers. Looking at passenger traffic, the total number of travelers utilizing the country’s airport system over the past eight months stands at 6,439,213. This marks a decline compared to the previous year, when 6,630,728 passengers were processed at Katunayake alone. Additionally, the authority noted that the total volume of air cargo transported through the airport during the relevant period amounted to 144,713 metric tonnes. This includes 89,470 metric tonnes of goods that were exported, while imports accounted for 55,243 metric tonnes, according to data provided by the Civil Aviation Authority. *Note: In case of any discrepancy between the Sinhala and English versions, the Sinhala version shall prevail.