චීන ආයෝජනය ලංකාව අතහැර ගියා...- The hindu
FM Heart · 2 min read
Google AdSense
After Featured Image
ශ්‍රී ලංකාවේ චීන ආයෝජන සම්බන්ධයෙන් තීරණාත්මක හැරවුම් ලක්ෂ්‍යයක් සනිටුහන් කරමින් මෙම තීරණය ගෙන ඇති බව එම වාර්‍තාවේ දැක්වේ. මෙරට ආර්‍ථික අර්‍බුදය හමුවේ 2022 වසරේදී විදේශ ණය ගෙවීම අත්හිටුවීමෙන් අනතුරුව, ශ්‍රී ලංකාවට හිමිවූ පළමු ප්‍රධාන සෘජු විදේශ ආයෝජනය ලෙස මෙම ව්‍යාපෘතිය 2023 වසරේදී හඳුන්වා දෙනු ලැබිණි. මෙම නව ආයෝජනයත් සමග ‘චයිනා මර්‍චන්ට්ස්’ සමාගම ශ්‍රී ලංකාව තුළ සිදුකළ සමස්ත ආයෝජන වටිනාකම ඩොලර් බිලියන 2 සීමාව කරා ළඟා විය. එම මුල් එකඟතාවට අනුව, යෝජිත වාණිජ හා සැපයුම් මධ්‍යස්ථාන ව්‍යාපෘතියේ සියයට 70 ක බහුතර කොටස් හිමිකාරිත්වය චීන සමාගමට හිමිවීමට නියමිතව තිබූ අතර, ශ්‍රී ලංකා වරාය අධිකාරියට සහ මෙරට පෞද්ගලික ඉදිකිරීම් සමාගමකට සියයට 15 බැගින් වූ කොටස් හිමිවීමට නියමිතව පැවතිණි. පවතින බාහිර වාතාවරණය, වාණිජමය සාධක මෙන්ම අදාළ පාර්‍ශ්වකරුවන්ගේ අවශ්‍යතාවන් පිළිබඳව ගැඹුරින් සමාලෝචනය කිරීමෙන් අනතුරුව, සැලසුම් කළ ඒකාබද්ධ ව්‍යාපෘතිය අත්හැර දැමීමට දෙපාර්‍ශ්වයම තීරණය කළ බව ශ්‍රී ලංකා වරාය අධිකාරිය සඳහන් කර ඇතැයි ‘ද හින්දු’ පුවත්පත පෙන්වා දෙයි. චයිනා මර්‍චන්ට්ස් සමාගම හොංකොං කොටස් වෙළෙඳපොළ වෙත නිවේදනයක් නිකුත් කරමින් ප්‍රකාශ කර ඇත්තේ, ව්‍යාපෘතිය ක්‍රියාත්මක කිරීමේ පරිසරය සහ කාලරාමුවෙහි සිදුවූ වෙනස්කම් මෙන්ම දෙපාර්‍ශ්වයේම වාණිජමය අවශ්‍යතාවන්ට ගැළපෙන පරිදි සිදුකළ යළි ඇගයීමකින් පසු, මෙම ව්‍යාපෘතිය නතර කිරීම සියලු පාර්‍ශ්වයන්ට වඩාත් යහපත් පියවර බවට නිගමනය කළ බවයි. කෙසේ වෙතත්, මෙම ව්‍යාපෘතිය අත්හැර දැමුවද, වඩාත් විනිවිදභාවයකින් යුත් තරගකාරී ලංසු කැඳවීමේ ක්‍රමවේදයක් අනුගමනය කරමින් රාජ්‍ය-පෞද්ගලික හවුල්කාරිත්ව (PPP) ආකෘතිය යටතේ විකල්ප සංවර්‍ධන උපායමාර්‍ගයක් ඔස්සේ නව සැපයුම් මධ්‍යස්ථානයක් කඩිනමින් පිහිටුවීමට පියවර ගන්නා බව ශ්‍රී ලංකා වරාය අධිකාරිය අවධාරණය කර තිබේ.
Google AdSense
In-Article Ad