මහර තත්වය බරපතලයි.. ඇදිරි නීතිය පනවයි...

මහර බන්ධනාගාරය තුළ හටගත් නොසන්සුන්කාරී තත්ත්වය පාලනය කිරීමේ අරමුණින් රාගම පොලිස් බලප්‍රදේශයට වහාම ක්‍රියාත්මක වන පරිදි ඇඳිරි නීතිය පැනවීමට ශ්‍රී ලංකා පොලිසිය පියවර ගෙන ඇත. පොලිස් මූලස්ථානය සඳහන් කරන පරිදි, නැවත දැනුම් දෙන තුරු මෙම ඇඳිරි නීති නියෝගය බලපැවැත්වෙනු ඇත. බන්ධනාගාරය තුළ මතු වූ ගැටුම්කාරී වාතාවරණය පාලනය කිරීම සහ එය තවදුරටත් ව්‍යාප්ත වීම වැළැක්වීම සඳහා මෙම තීරණය ගෙන තිබේ. ප්‍රදේශයේ සාමය යළි ස්ථාපිත කිරීමට සහ මහජන ආරක්ෂාව තහවුරු කිරීම සඳහා ආරක්ෂක අංශ විසින් මේ වන විටත් ප්‍රදේශය පුරා ආරක්ෂක විධිවිධාන දැඩි කර ඇත. Update **** මහර බන්ධනාගාර පරිශ්‍රය සහ ඒ අවට ප්‍රදේශයේ හටගෙන ඇති උණුසුම්කාරී තත්ත්වය පාලනය කිරීමේ අරමුණින්, එම ප්‍රදේශයට අයත් ග්‍රාම නිලධාරී වසම් තුනකට පමණක් වහාම ක්‍රියාත්මක වන පරිදි පොලිස් ඇඳිරි නීතිය පැනවීමට පියවර ගෙන තිබේ. පොලිස් මාධ්‍ය ප්‍රකාශකවරයා සඳහන් කළේ නැවත දැනුම් දෙන තුරු මෙම ඇඳිරි නීති නියෝගය බලපැවැත්වෙන බවයි. ඒ අනුව පහත සඳහන් ග්‍රාම නිලධාරී වසම් සඳහා මෙම සීමාවන් පනවා ඇත. 246 - කැන්දලියද්ද පාර - බටහිර 246 C - කැන්දලියද්ද පාර - උතුර 181 G - දඹුව Curfew Imposed in Ragama Following Unrest at Mahara Prison The Sri Lanka Police have swiftly implemented a curfew in the Ragama police jurisdiction to manage the escalating unrest within the Mahara Prison. The decision aims to restore order and prevent further disturbances. According to a statement from police headquarters, this curfew will remain in effect until further notice. The authorities have taken this measure due to a troubling atmosphere of conflict that erupted within the prison, seeking to control the situation and avert any potential escalation. In efforts to reestablish peace in the area and ensure public safety, security forces have already intensified protective measures throughout the region. *Note: In case of any discrepancy between the Sinhala and English versions, the Sinhala version shall prevail.