සෞදියේ මරණ දඬුවමට ලක්ව සිටින සිවරාසා අනෝජන්ට සමාව ගන්න රජය උපරිමයෙන් මැදිහත් වන බව ජනපති අනුර කියයි!

සෞදි අරාබියේදී මරණ දඬුවම නියම වී සිටින සිවරාසා අනෝජන් වෙනුවෙන් සමාව ලබා ගැනීමට රජය විසින් නීතිමය සහ රාජ්‍යතාන්ත්‍රික මට්ටමින් උපරිම මැදිහත් වීමක් සිදු කරමින් සිටින බව ජනාධිපති අනුර කුමාර දිසානායක මහතා ප්‍රකාශ කර තිබේ. දඬුවම් නියම වී සිටින තරුණයාගේ දෙමාපියන් ජනාධිපති කාර්‍යාලයේදී හමුවූ අවස්ථාවේදී ජනාධිපතිවරයා මෙම බව සඳහන් කර ඇති අතර, සෞදි රජුගෙන් මේ පිළිබඳව සමාව ඉල්ලා රාජ්‍යතාන්ත්‍රික මට්ටමින් ලිඛිතව ඉල්ලා සිටීමට කටයුතු කරන බවද අවධාරଣා කර ඇත. විදේශ කටයුතු අමාත්‍යාංශය මඟින් මෙතෙක් ගෙන ඇති පියවර සහ අභියාචනා ඉදිරිපත් කිරීමේ ක්‍රියාවලිය පිළිබඳවත් මෙහිදී දෙමාපියන් දැනුවත් කර තිබේ.