ඇමරිකා-ශ‍්‍රී ලංකා හොදම සබදතා මේ කාලයේදීයි..

තම සේවා කාලය තුළ ඇමරිකා එක්සත් ජනපදය සහ ශ්‍රී ලංකා ව අතර රාජ්‍ය තාන්ත්‍රික වශයෙන් ශක්තිමත් බැඳීමක් නිර්මාණය වූ බවත් එහි ප්‍රතිඵලයක් ලෙස ආර්ථික සංවර්ධනය ට අදාල බොහෝ දේ ළඟා කර ගැනීමට හැකි වූ බව එක්සත් ජනපදයේ ශ්‍රී ලංකා තානාපති මහින්ද සමරසිංහ මහතා ප්‍රකාශ කරයි. ඒ මහතා මේ බව ප්‍රකාශ කළේ මේරිලන්ඩ් ජාත්‍යන්තර බෞද්ධ විහාරස්ථානය ට පැමිණ ඇමරිකා එක්සත් ජනපදයේ ප්‍රධාන අධිකරණ සංඝනායක අතිපූජ්‍ය කටුගස්තොට උපරතන නායක හිමිපාණන් වහන්සේ බැහැ දැක ආශිර්වාද ලබා ගත් අවස්ථාවේ දී ය. එහිදී අදහස් දැක්වූ මහින්ද සමරසිංහ මහතා පෙන්වා දුන්නේ ශ්‍රී ලංකා වේ ප්‍රතිරූපය සම්බන්ධයෙන් එක්සත් ජනපදයේ මතය අතිශය සතුටු දායක තැනක පවතින බවයි. ශ්‍රී ලංකා වේ ආර්ථික සංවර්ධනය ට අදාල ක්ෂේත්‍ර ගණනාවක් සඳහා එක්සත් ජනපදය ශ්‍රී ලංකාවට සහය ලබා දී තිබෙන බවත්, මෙම සහයෝගිතා ව ඉදිරියට ත් ශක්තිමත් ව පවත්වා ගෙන යා යුතු බවද හෙතෙම පැවැසීය. මෙහිදී කටුගස්තොට උපරතන නායක හිමිපාණන් වහන්සේ කියා සිටියේ රාජ්‍ය තාන්ත්‍රිකයෙකුට පවතින සීමාවන් අභිබවා යමින් ශ්‍රී ලංකා ව වෙනුවෙන් මහින්ද සමරසිංහ මහතා සිදු කළ මෙහෙවර අති විශාල බවයි. ශ්‍රී ලංකා ව සහ ඇමරිකාව අතර අන් කවරදාටත් වඩා සුබවාදී පාලමක් නිර්මාණය වී ඇතිබවත් එහි නියමුව මහින්ද සමරසිංහ මහතා බවත් උපරතන හිමිපාණෝ වැඩිදුරටත් අවධාරණය කළහ. - සිසිර විජේසිංහ