ඉස්සර කුඩු ගෙන්නුවේ දේශපාලකයන්.. දැන් එහෙම නෑ.. අපි කුඩු වටලනවා..

කොළඹදී පැවති මාධ්‍ය හමුවකදී ඔහු මේ බව සඳහන් කළේය. ජනාධිපතිවරයාගේ මූලිකත්වයෙන් ආරම්භ කර ඇති ජාතික මෙහෙයුම යටතේ, ජාත්‍යන්තර මත්ද්‍රව්‍ය ජාලය මැඩලීම සඳහා දැඩි පියවර ගනිමින් සිටින බව අමාත්‍යවරයා මෙහිදී අවධාරණය කළේය. විශේෂයෙන්ම නේපාලය, ඉන්දුනීසියාව, පකිස්ථානය සහ ඉන්දියාව වැනි රටවල රැඳී සිටිමින් මෙරට මත්ද්‍රව්‍ය ජාලය මෙහෙයවූ ප්‍රධාන පෙළේ ජාවාරම්කරුවන් අත්අඩංගුවට ගැනීම සඳහා අපරාධ පරීක්ෂණ දෙපාර්‍තමේන්තුව මගින් රතු වරෙන්තු විශාල ප්‍රමාණයක් නිකුත් කර ඇති බවද ඔහු පැවසීය. එම රතු වරෙන්තු නිකුත් කරන ලද පුද්ගලයන්ගෙන් අඩකට වඩා වැඩි ප්‍රමාණයක් මේ වන විටත් මෙරටට ගෙන්වා ගැනීමට කටයුතු කර ඇති බවත්, ඉදිරියේදී සෙසු ජාවාරම්කරුවන්ද නීතිය හමුවට පමුණුවන බවත් වටගල මහතා සඳහන් කළේය. අතීතයේදී මත්ද්‍රව්‍ය මර්‍දනය කරන බව පැවසුවද, එහි සැපයුම් ජාලය පිටුපස සිටි දේශපාලනඥයන් නිසා එම මෙහෙයුම් සාර්‍ථක නොවූ බවත්, වර්‍තමානයේ කිසිදු දේශපාලන භේදයකින් තොරව නීතිය ක්‍රියාත්මක වන බවත් ඔහු වැඩිදුරටත් පෙන්වා දුන්නේය.