පේරාදෙණි කළු පාලම හදන්න තව කාලයක් යයිලු...

එම සංගමයේ සභාපති සුමේධ සෝමරත්න මහතා මාධ්‍ය වෙත අදහස් දක්වමින් කියා සිටියේ , ' ඩිට්වා ' සුළි කුණාටුවෙන් පාලමට හානි සිදුවී වසරකට ආසන්න කාලයක් ගතවී ඇතත් , උඩරට දුම්‍රිය මාර්‍ගයේ අදාළ කොටස තවමත් අසම්පූර්‍ණව පවතින බවයි . මහනුවර යෝජිත බහුවිධ ප්‍රවාහන මධ්‍යස්ථානය ඉදිකරන තෙක් මෙම පාලම ප්‍රතිසංස්කරණය කිරීමට බලධාරීන් පියවර නොගනු ඇති බවට ද ඔහු චෝදනා කළේය . නගර සංවර්‍ධන ව්‍යාපෘතිය නිම වීමට පෙර මහනුවර දක්වා දුම්‍රිය සේවාව යථා තත්ත්වයට පත් කරන ලෙස සෝමරත්න මහතා මෙහිදී අදාළ විෂය භාර අමාත්‍යවරයාට අභියෝගයක් ද කළේය . " අතීතයේදී අපි නිවාඩු දිනවල විශේෂ දුම්‍රිය දෙකක් බැගින් ධාවනය කළා . නමුත් දැන් එවැනි සේවාවක්වත් ලබා දීමට අපට හැකියාවක් නැහැ . දුම්‍රිය දෙපාර්‍තමේන්තුව අද වන විට මෙතරම් පිරිහීමකට ලක්ව තිබෙනවා ," යැයි ද සභාපතිවරයා වැඩිදුරටත් සඳහන් කළේය .