සිකුරාදා නාමල් - අද චමල්... එයාර් බස් ගනුදෙනුව ගැන කියන්න චමල් රාජපක්ෂ අල්ලස් කොමිසමට පැමිණෙයි

හිටපු පාර්‍ලිමේන්තු මන්ත්‍රී චමල් රාජපක්ෂ මහතා අද (08) උදෑසන අල්ලස් කොමිසමට පැමිණ තිබේ. ඒ කොමිසමෙන් කරන ලද දැනුම්දීමකට අනුවයි. පසුගිය සිකුරාදා දින අල්ලස් හෝ දූෂණ චෝදනා විමර්‍ශන කොමිෂන් සභාව වෙත පැමිණි එම පවුලේම සාමාජිකයෙක් වන පාර්‍ලිමේන්තු මන්ත්‍රී නාමල් රාජපක්ෂ මහතා ලබන 18 වැනිදා දක්වා රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් අසංග එස් බෝදරගම මහතා එදින නියෝග කළේය. මහත් ආන්දෝලනයකට තුඩු දුන් එයාර් බස් ගුවන් යානා මිලදී ගැනීමේ සිද්ධියේදී අමෙරිකානු ඩොලර් ලක්ෂ 08 ක් අල්ලස් ලබාගත් බවට සැකපිට මොහු අත්අඩංගුවට ගෙන අධිකරණයට ඉදිරිපත් කෙරුණි.