PB ජයසුන්දරගෙන් අල්ලස් කොමිසම ප්‍රශ්ණ කරයි
FM Heart · 1 min read
ශ්‍රී ලන්කන් ගුවන් සමාගම මඟින් සිදු කරන ලද ‘එයාර් බස්’ ගුවන් යානා මිලදී ගැනීමේ මතභේදාත්මක ගනුදෙනුව සම්බන්ධයෙන් ක්‍රියාත්මක වන විශේෂ විමර්‍ශනයකට අදාළව, හිටපු ජනාධිපති ලේකම්වරයෙකු මෙන්ම හිටපු මුදල් අමාත්‍යාංශ ලේකම්වරයෙකු ද වන ආචාර්‍ය පී. බී. ජයසුන්දර මහතාගෙන් ප්‍රකාශයක් සටහන් කරගෙන තිබේ. විමර්‍ශන නිලධාරීන් කණ්ඩායමක් විසින් ආචාර්‍ය පී. බී. ජයසුන්දර මහතාගේ පෞද්ගලික නිවස වෙත ගොස් මෙම ප්‍රකාශය ලබාගෙන ඇති අතර, එහිදී පැය හතරකට ආසන්න කාලයක් තිස්සේ අදාළ ගනුදෙනුවට සම්බන්ධ කරුණු පිළිබඳව දීර්‍ඝ ලෙස ඔහුගෙන් තොරතුරු විමසා ප්‍රකාශ සටහන් කරගෙන ඇති බව වාර්‍තා වේ. අදාළ කාලසීමාව තුළ රාජ්‍ය මුදල් හා ප්‍රතිපත්තිමය තීරණ ගැනීම සම්බන්ධයෙන් ඔහු දැරූ තනතුරු සහ වගකීම් මුල් කරගනිමින් මෙම ප්‍රශ්න කිරීම සිදු කර ඇති බව වැඩිදුරටත් දැනගන්නට ඇත.
