කාලගුණය යළිත් වෙනස් වෙයි

දිවයිනේ බොහෝ ප්‍රදේශවල අද සිට සවස් කාලයේ ගිගුරුම් සහිත වැසි ඇති වීමට හිතකර වායුගෝලීය තත්ත්වයක් අපේක්‍ෂා කළ හැකි බව කාලගුණ විද්‍යා දෙපාර්‍තමේන්තුව පවසනවා. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙසයි එම දෙපාර්‍තමේන්තුව ජනතාවගෙන් ඉල්ලා සිටියේ. මේ අතර මධ්‍යම, සබරගමුව, ඌව, නැගෙනහිර සහ උතුරු මැද පළාත්වල ඇතැම් ස්ථානවලට අද දිනයේ මිලිමීටර් 75ට වැඩි තරමක තද වැසි ඇති විය හැකි බවයි කාලගුණ විද්‍යා දෙපාර්‍තමේන්තුව වැඩිදුරටත් පැවසුවේ. .